New Time

&
свет помеѓу.
статуи осветлени со црвено.
љубов без сеќавања.
ноздрите го пијат мирисот
интимно,
болно,
трогателно.
ја возвраќам насмевката,
бакнежите илјадавековни
кога се враќам од светот надворешен
далеку од сенките кои се љубат.
од разделбите...
краевите што стареат сами.
неподвижните пеперутки.
заробени од
запирките без интермецо
и
осетите без свое време
...
додека се враќам
исцрпена од пливањето
низ водопадните
галопирања
и
читањето поезија
што мириса на циклама
ќе продолжам
да живеам.

...
n.t.s.